سانس جب تک بحال ہے بابا - شہزاد قیس کی اردو شاعری

سانس جب تک بحال ہے بابا

آرزُو کا وَبال ہے بابا

سینکڑوں نعمتوں کا مل جانا

غالباً نیک فال ہے بابا

یار کے دَر پہ ناچتی ہے زَمین

زَلزلہ بھی دَھمال ہے بابا

شیخ سمجھاتا ہے مثالوں سے

اور وُہ بے مثال ہے بابا

او حرم جا کے کانپنے والے

ہر جگہ ذُوالجلال ہے بابا

دُوسری سمت کوئی ہے ہی نہیں

صرف آنکھوں کی چال ہے بابا

لیلیٰ بننے کی سب کو خواہش ہے

قیسؔ بننے کا کال ہے بابا

دوسرا حصہ

ہر خوشی کو زَوال ہے بابا

ایک غم کا سوال ہے بابا

جس کسی کو بھی گھِن نہیں آتی

اُس پہ دُنیا حلال ہے بابا

دانے دانے پہ نام کا مطلب

دانے دانے پہ جال ہے بابا

چیونٹیاں بھی ذَخیرہ کرتی ہیں

بانٹنے میں کمال ہے بابا

صرف اَچھے خیال سوچا کرو

یہ جہان اِک خيال ہے بابا

بولنے والے اِس لیے چُپ ہیں

کان والوں کا کال ہے بابا

قیسؔ نے جس کو دُکھ سے کاٹ دِیا

شعر وُہ بے مثال ہے بابا

شاعر۔ شہزاد قیس

اردو شاعری,غالب اردو شاعری,اردو کی شاعری,اردو غزل شاعری,مرزا غالب اردو شاعری,شاعری,شعر و شاعری,اردو,دوست کے لیے شاعری,مزاحیہ شاعری,اردو ادب,اردو غزل,مشاعرہ,اردو غزلیات,غالب اردو غزل,اردو غزل غالب,اشعار,محبت کے اشعار,

sad urdu poetry status,urdu sad status,urdu shayari status,sad status urdu,sad urdu status,urdu shayari whatsapp status,status urdu sad,sad urdu shayari status