نکے بال دی تختی اتے
پورنے پاٸے ”م ح ن ت“ دے
نال دعا دا پوچا پھیریا
تارے چمکن قسمت دے
سچی نیت نال کریں جے
بھلا کسے دکھیارے دار
رب سہارا ہووی پترا
بوہے کھلن رحمت دے
یاری چنگیاں نال بناویں
صحبت رکھیں نیکاں دی
نیکی بخت بلند کریندی
پھیرے رہندے برکت دے
سارے کم سولے (آسان) ہندے
آس جے رکھیٸے سوہنے تے
کرم کدے نٸیں ماڑے ہندے
ملن نتیجے حرکت دے
شعراں دی ایس محفل دے وچ
حرف پروہنے آوندے نٸیں
رل مل دل دیاں گلاں کردے
بیلی بنن شرافت دے
****
شاعر: شرافت علی
Tags:
Poetry